كبة مشوية على الفحم
مقادير كبة مشوية على الفحم :
كيلو برغل
نص كيلو لحمة هبرة يفضل لحم عجل
2 بصلة كبيرة
رشة بهارات السبعة
رشة ملح
800 غرام ماء لنقع البرغل
الحشوة :
كيلو لحمة
نص كيلو دهنة
3 حبات بصلة
دبس رمان على حسب الرغبة
رشة ملح
رشة بهارات
حبةاو حبتين رمانة حامضة
دبس فليفلة حارة او باردة على حسب الرغبة
جوز (عين الجمل) او على حسب الرغبة
رشة قرفة
رشة كمون ناعم
طريقة التحضير:
تجهز حشوة الكبة وتترك لتبرد....(تحمس البصلة لتدبل ثم توضع اللحمة المفرومة ومنقلبها ثم يرش قليل من الملح والبهارت والكمون والقرفةوتقلب وتترك لتستوي اللحمة على نار وسط ثم نطفئ النار ونضع دبس فليفلة وتترك لتبرد ثم نضع رمانة ودبس الرمان والدهنة (لية الخاروف) ومنقلبهون مع بعض وهيك صارت الحشوة جاهزة.
ينقع البرغل بالماء ويترك مدة بين النص ساعة الى ساعة كاملةليشرب البرغل الماء بعدها بشوف حبة البرغلة اذا صارت طرية بديرها على ماكينة الكبة.. اما اذا لسى بعدها قاسية منزيدها رشة ماء ومنتركها مرة تانية لتشرب الماء بس لاتكتري ماء بدك تحسبي مية البصل يلي رح تنزل اثناء الفرم.
يقشر البصل ويوضع مع البرغل.
توضع اللحمة الهبرة مع البرغل والبهارات والملح.
تفرم على ماكينة الكبة 3أدوار.
تشكل اقراص الكبة وتحشي باللحمة والدهنة ثم تشوى على الفحم.
تقلب على الفحم من فترة لفترة لتستوي.
إرسال تعليق