العجينة:
كاس وربع ماء دافئ
2 مغارف كبار سكر
2 مغارف كبار خميرة الخبز
2 بيض
قرصة ملح
مغرف كبيرة لافاني
مبشور حبة قارص
2 مغارف زبدة
200غ فرينة
الشاربات:
500 غ سكر
1ل ماء
عصير حبة قارص
3 مغارف ماء زهر
كرام باتيسيار:
1ل حليب
100 غ زبدة
200 غ سكر
150 غ مايزينة
2 بيض
لافاني
طريقة التحضير:
في كسرونة ندير السكر+ الماء وعصير القارص كي يغلوا مليح نطفي النار ونزيد 3 مغارف ماء زهر خليه يبرد.
في كسرونة نخلط الحليب ونصف كمية السكر حطيهم فوق النار ، في اناء ديري 2 بيض وكمية السكر المتبقية ولافاني والمايزينة خلطي مليح كي يدفا الحليب ديري كمية صغيرة منو فوق البيض باش تتحل المايزينة ، كي قريب يفيض الحليب زيديلو الخليط تاع البيض وخلطي حتا يعقد نحيه من النار وواصلي الخلط زيدي الزبدة ودخليها مليح فالكريمة غطيها بكيس بلاستيكي وقيسي سطح الكريمة خليها تبرد.
في اناء نخلط الماء دافئ + خميرة + سكر خليهم يتفاعلوا
في اناء نحط البيض+ مبشور قارص+ لافاني+الزبدة طرية ونزديلها خليط الخميرة نزيد الفرينة ورشة ملح نخلط الكل تولي تلصق خليها تخمر ، نكسرلها الخميرة ونعمر القوالب وقوالب المادلان يكونو مدهونين بالزبدة والفرينة وخليهم يخمرو للمرة الثانية ندخلهم للفرن على درجة حرارة 180 حتا يطيبوا ويتحمروا مليح مليح ، نحيهم وحطيهم مباشرة فالشاربات باردة خليهم يشربوا مليح نحيهم عمريهم بلاكرام باتيسيار وكرام شونتي والفراز او شوكولا كيما تحبي تزيين اختياري.
إرسال تعليق