تشاراك العريان
العجينة:
3 كيلات فرينة
كيلة مارغرين ناقصة صبع ذايبة وباردة ونكملو الكيلة بالزيت
كيلة ناقصة 2 صبع سكر ڨلاصي
2 مغارف حليب غبرة
نصف باكي خمارة
بيضة
مغرف كبيرة لافاني
حليب وماء زهر نلمو العجينة
الحشو:
3 كيلات لوز او كوكاو مرحي
كيلة ناقصة 2 صبع سكر عادي
مغرف لافاني
نطمو بالماء زهر فقط
التزيين:
حبة بيض
خليط الحليب وماء زهر
لوز مرحي خشين او رقائق اللوز
طريقة التحضير:
نخلط النواشف الفرينة مع لافاني ونص خمارة و2 مغارف لحضة والسكر نبسسها بالزبدة والزيت مليح ونطمها بخليط الحليب والماء زهر حتا تولي عجينة طرية نشكلها كريات .
والحشو نخلط اللوز ولافاني والسكر ونلمها بماء الزهر شوي برك قيس 3مغارف ( من الأفضل تخلي الحشو يريح شوي بش يذوب السكر ويتعسل) ، نشكل حرابش رقاق فالطرف وخشان فالوسط باش يجي الشكل شباب ومعمر.
نفتح كريات العجينة جيهة عريضة وجيهة لالا ونحط الحشو فالطرف العريض ونرولي العجينة بلعقل ونديرلها الشكل تاع تشاراك ، ندهنها بالبانسو بخليط حبة بيض وحليب وماء زهر ونزينها باللوز ، ندخلها طيب .
إرسال تعليق