اسرار الكوافيرات والصالونات لتنضيف البشرة
الخطوه الاولي
حمام البخار
بيفتح مسام البشرة جدا عشان يكون سهل تنظيف الاوساخ اللى جواها وبيدوب الدهون اللى موجودة فى الوش و الانف وبيرطب البشرة وبيطرى الجلد الميت عشان يهيأ البشرة لمرحلة التقشير
هنغلى شوية مايه و نحطهم فى طبق واسع ونحط شوية نعناع او معلقة زيت لافندر يفضل وممكن من غيرهم عادي
نحط فوطه فوق راسنا و نغطى نفسنا بيها و نقرب وشنا من الطبق بحيث يطلع البخار ع وشنا كله لمده 3 دقايق
الخطوة التانية
التقشير
دى عشان نقشر طبقة الجلد الميت اللى ع البشرة السطحية و اللى بتكون سبب فى شكل البشرة البهتان و جفافها
معلقتين سكر ناعم_نقطتين لمون_معلقة زيتون
هندعك وشنا بالصنفرة ع هيئة حركات دائرية لمدة 5 دقايق
مش جامد عشان منجرحش بشرتنا ولا براحة اوى عشان نزيل كل طبقة الجلد الميت بعد كدا نغسل وشنا بمايه دافيه
الخطوة التالتة
الماسك المناسب لكل البشره
لتفتيح وترطيب البشره
3 معالق زبادي
1 معلقه عسل نحل ابيض
وتفرديه ع البشره 15 دقيقه وتغسليه بعد المده بماء دافئ
الخطوه الرابعة
غلق المسام
بعد الكام خطوه اللى فاتوا مسام وشنا بتكون لسه مفتوحه و لو سبناها كدا يبقى عملنا تنظيف ع الفاضي لأن بمجرد ما نسيبها للجو كل الاتربة و الاوساخ هتدخل جوة المسام تانى عشان كدة لازم نقفل المسام بعد ما نضفناها و بنعمل كدة بالتونر الطبيعي
مكوناته هي اننا نحط ماء ورد فى قوالب تلج و نحطها فى الفريزر لحد ما تتجمد و ناخد مكعب و نمشيه ع بشرتنا كلها عشان نقفل بيه كل المسام و هى نضيفة
الخطوة الاخيرة
الترطيب
عشان نحافظ عليها من الجفاف
كريم بانثينول وممكن البديل زبده شیا خام ونحطه ع وشنا
وبكدا نبقى عملنا احسن جلسة تنظيف بشرة فى البيت فى اقل وقت و اقل تكلفة والجلسة دى بتتعمل مره فى الاسبوع بالنسبخ(للبشرة العادية و الجافة و الحساسه)
ومرتين (للبشرة الدهنية)
إرسال تعليق