فرنسا | خاوتنا الحراڨة لي جاو جدد مع هذا البرد والشتاء وماعندكمش سكن روحوا لأي سبيطار واقعدوا في قاعة الانتظار كاين فيها الدفا
فالنهار روحوا لأي سونتر كومارسيال واقعدوا فيه وشارجيو تلفون تاعكم وديروا ويفي .
روحوا لبارباس وشوفوا جماعة اكروا معاهم.
روحوا للمحطة تاع ترامواي سان دوني تلقاو جماعة تم يورولكم وين ترقدوا .
وكي تتبحرلك كامل عمر كارطة تاع ترونسبور واركب فالليل في les bus de nuit تلقى مكتوب فيهم حرف(N)
اوموا ترقد ساعة ونص رايح وساعة ونص راجع .
فالنهار شوف جاردات وارقد ريح .
ألبس نقي واخطيك من سيرفات ولاكوست والتحفاف العيان
هنا المظهر يلعب دور كبير .
روح دير لادراس من جهة la gare de Lyon.
سقسي على حي اسمه la traversière وكاين بزاف جمعيات في باريس
وأهم شيء هي الخدمة هنا باش ماتتغبنش روح صباح للمرشيات 06H00 تكون تماك حتى يخدموك و دبر شوية دراهم و أخدم uber ولا deliveroo باش تقدر تاكل وتسكن .
وربي يفرج على الجميع
إرسال تعليق