وصفة كرام ديسار للشاف فارس
المقادير
لتر حليب
6مغارف سكر
6مغارف مايزينة
2مغارف كاكاو
2مغارف زبدة طرية
علبة شوكولا نواغ
ليزامو ديفيلي او اي مكسسرات موجودة
4حبات موز 🍌 (بنان)
كمية بسكويت 🍪حسب مقلاة
مغرف كبيرة ماء زهر 🌼
طريقة تحضير
في كصرونة نحط لحليب ونزيد السكر ونخلط بالفوي اليداوي نزيد المايزينة نخلط نزيد كاكاو وماء الزهر ونخلط بالفوي اليداوي مليح نحطهم على نار مع تحريك المستمر حتى يعقد نطفي عليها نزيد زبدة طرية ونخلط ونزيد شوكولا نواغ ونخلط حتى تدوب ونخليها بجيهة
ناخد مقلة نفرش فيها بابي فيلم ونخليه زايد باه نغطي بيه ونقطع البنان شوية خشين ونستفو في مقلة كاملة ونفرغ فوقو الكريمة ونمشيها على سطح المقلة كاملة ونغطي البنان ونستف حبات البسكوي فوق لكريمة وندخلو فالكريمة باه يلصق ونغطي بالبابي فيلم لخليناه زايد وندخلها لثلاجة مدة ساعة او ساعتين وبعد نقلبو في صحن التقديم على الوجه جيهة البنان ونزين بالمكسرات حسب الرغبة .
إرسال تعليق