تارت بذوق الليمون ، جينواز ذوق الليمون وشانتيي ذوق الليمون لمحبي الليمون
جينواز ذوق الليمون ولا أسهل :
4 حبات بيض. 14 ملعقة سكر. رشة ملح. ملعقة فانيليا. مبشور الليمون نطلعهم مليح بالخلاط الكهربائي حتى يتضاعف حجمها ويصبح الخليط أبيض نزيد 14 ملعقة كبيرة زيت نكمل نخلط ونزيد 14 ملعقة كبيرة حليب ونخلط حتى تتجانس جميع المكونات نزيد 14 ملعقة فرينة مع 2 أكياس خميرة كيميائية ونخلط ونزيد 3 ملاعق كبار عصير الليمون نخلط مليح ونفرغ الخليط في مول دائري وطويل مدهون بالزبدة ومغلف بورق الزبدة ندخلهم للفرن درجة الحرارة 150° مدة 45 د نخلوه يطلع بعد مرور 45د باش نفتحو عليه ونشوفو إذا طاب.
كريمة الشانتيي: نطلع كيلة شانتيي مع نصف كيلة حليب و 2 ملاعق كبار عصير الليمون ومبشورة الليمون و 2 علب ياوورت ذوق ليمون نطلعهم مليح من بعد ننزع كمية قليلة ونضيفلها ملعقة كبيرة بات اروم الليمون يمد عطر ولون هايل للوردات لي نزينو بيهم التارت.
كريمة الليمون : في كسرونة نضع نصف كأس سكر. نصف كأس عصير الليمون. حبة بيض. مبشور الليمون نخلطهم مليح ونحطهم على النار ونبقاو نخلطو حتى يبدأ يعقد الخليط نطفي النار ومباشرة نصفيهم ونزيد لو ملعقة كبيرة زبدة حتى تذوب ونغطيه بكيس بلاستيكي حتى يبرد
إرسال تعليق