ڨرانطيطا
المقادير
نفس الكيلة نكيلو بيها المقادير
كيلة حميصة مرحية
ربع كيلة زيت
2كيلات حليب
2كيلات ماء
2حبات بيض
كمون ملح فلفل اكحل
فرماج ادا تحبو ضيفوه
طريقة التحضير
في غيسيبيو نحط كيلة حميصة مرحية ونزيد 2كيلات ماء ونخلط بالفوي اليداوي ونزيد 2كيلات حليب ونخلط بالفوي اليداوي نزيد ربع كيلة زيت ونخلط مليح ونزيد 2حبات بيض نكون ضربتهم مليح وحدهم ونفرغهم فوق الخليط ونزيد حبات فرماج وشوي فلفل اكحل وشوي كمون وملح ونخلط بالفوي اليداوي مليح وزيد نخلطهم بالمكسور برا باه حبيبات لحميصة يترحاو ونفرغهم في بيغاكس مدهون بشوي زيت ونفرغ الخليط الڨرانطيطا وندخلها للفرن على درجة الحرارة 190°نشعللها غير من تحت ونحسبلها 5دقائق ونخرجها ونخلطها بالفوي ونعاود نرجعها للفرن 3 مرات بنفس الطريقه ونخليها طيب وتشد روحها بعد نشعللها من فوق حتى تحمار نخرجها وهيا سخونة ونرشها كاملة بالكمون ونتحصل عليها كي لكريمة شادة روحها ونقدمها في الخبز وشهية طيبة
إرسال تعليق