تدابير منزلية لكي سيدتي

 تدابير منزلية لكي سيدتي

1- عجينة نتاع البيتزا او سوفلي... خليها تلصق في اليدين باش تجيك بنينة و هشيشة 

2- الحلوى اي نوع تخدميه طميه فقط بالاصابع بدون عجن وخليها ترتاح نصف ساعة راح تسهلك العمل

3- كي تكوني رايحة ديري سلطة فواكه او اي حلوى تزينيها بالفاكهة قشري الفاكهة في اخر لحظة وعصري عليها القارص باش ماتكحالش ويقعد منظرها شباب

4- كي تكوني رايحة تقدمي لي كروكات او بوراك او عجيجات اقليهم هوما لخرين باش يحافظو على القرمشة و البنة

5- نهار تكوني عارضة ضياف لفطور ولا لعشا ديري طياب لي تكوني متأكدة منو يجيك بنين ماشي نهار الاختراعات ديالك

6- الرايب كامل نديروه فالدار وباش يجيك بقوام رائع كي يروب ميكسيه بالميكسور bras mixeur قبل ما تقدميه وشوفي النتيجة 

7- كي تكوني حابة تجربي اي حلوى او طبخة جربي بنصف الكمية لي عطاوهالك فالمقادير  

8- كي تكوني عارضة ضياف و يجيبو معاهم دراري صغار دايمن اقلي مقلة بطاطا خاصة ادا طيبتي ماكلة لي مايحبوهاش الاطفال كيما لمراقي 

9- اذا طيبتي الحوت و دارلك الريحة فالدار حطي قدر ماء يغلي فوق النار و ديري فيه اوراق نعناع او رند يعطرلك الدار وتروح الريحة ان شاء الله

10- متقريش وتهربي شاركي المنشور في منشورات الطبخ حتى يستفيد الجميع وانت أيضا تؤجرين على ذلك