وصفة قلب اللوز باللبن
الشاربات : 3كيلات سكر. 6 كيلات ماء. نصف حبة قارص نحطهم فوق النار نخليه حتى يغلي نبدأ نحسب 15د ونطفي نزيد فنجان أتاي ماء زهر.
الحشو : 50 غ لوز بالقشرة مرحي خشين. ملعقة صغيرة قرفة.شوية سكر ونلايمها بقليل من ماء زهر منشمخوهاش بزاف.
نأخذ صحن نضع فيه 6 كيلات سميد خشين. 4كيلات سكر نخلطهم مليح. نزيد كيلة زيت. ندخل مليح الزيت في السميد والسكر. نزيد كيلة لبن. كيلة ماء الزهر نخلط بالاصابع جميع المكونات حتى تتجانس مع بعضها نقسم العجينة على اثنين.
نأخذ صينية ندهنها بقليل من الزيت نضع القسم الأول ونفرغ فوقها الحشو ونمشيها كامل على القسم الأول ونزيد القسم الثاني ونسويها مليح الوجه من بعد نقسمها مالفوق ونزينها بحبات اللوز. من بعد ندخل الصينية للفرن درجة الحرارة 200 ° مسخن مسبقا كي يحمارو الأطراف مليح نخرج الصينية ندهنها مالفوق بالسمن ذايب ونعاود نرجعها للفرن نشعللها مالفوق حتى تأخذ اللون الذهبي.
كي نخرجها نشربها مباشرة بالشاربات ونعاود ندخلها للفرن منقص كامل كي نشوف القلب اللوز شرب كامل الشاربات نحيها مالفرن ونخليها على جنب حتى تتشرب كامل الشاربات وتبرد ونقطعوها وشهية طيبة
في انتظار تعليقاتكم .
إرسال تعليق