الكريمة :ناخذ كسرونة نحط فيها نصف لتر حليب.4 ملاعق كبار سكر زوج ملاعق كبار ونصف مايزينة. نقعد نخلط مليح حتى تنحل المايزينة ثم نحطوها فوق النار حتى نتحصل على خليط ثقيل.
ننزع الخليط من فوق النار نفرغوه ونغطيه بكيس يكون ملامس لسطح الكريمة ونخلوها تبرد. عند الاستعمال نلقاوها جمدت من الافضل نحلوها بالباتور حتى نتحصل على خليط كريمي املس.
العجينة : ناخذ اناء نحط فيه ملعقة كبيرة خميرة الخبز. 4ملاعق كبار سكر. فانيليا. كاس حليب دافي. ربع كاس زيت. حبة بيض. ملعقة كبيرة ماء زهر. 500غ فرينة مع نصف ملعقة كبيرة ملح. ونلايم العجينة تتلاصق نوعا ما ونعجنوها مدة 5د.
بعدها نغطيها ونخليها ترتاح.
نحل العجينة سمك الواحدة 1سم نحطها في صينية بها ورق الطهي نخليها تخمر مرة ثانية.
بعدما تختمر ندهنها بالخليط مالفوق (صفار حبة بيض.ملعقة صغيرة سكر.قليل من الحليب)ندخلها للفرن درجة الحرارة 180° حتى ناخذ اللون الذهبي بعدها نحطها على شباك ونقسمها على اثنين نحشيها بالكريمة ونزينوها بسكر ناعم او جولي ومكسرات.
إرسال تعليق