البقلاوة
نعطيلكم اليوم اسرار البقلاوة باه كامل تنجحو فيها ويكون الذوق انتاعها رائع
المقادير
المكيال انت تختاريه
العجينة
4 كيلات فرينة +1 كيلة مارغرين مذوبة +لفاني غبرة+ماء دافئ +ماء الزهر
الحشوة
3 كيلات لوز او كاوكاو على الطريقة الى قدمتها+1 كيلة سكر قلاصي+ لفاني +مبشور الليمون+ رشة قرفة + رشيها بماء الزهر على شكل فتيل
*ثم في الاخير السر انتاعها في العسل { عسل خفيف + السيرو } مخلطين مع بعض ديري كيلة ماء ب1/2 كيلة سكر والمقادير تختلف بالاختلاف حجم لي بغيتي
*متنساوش السر الثاني وهو ذوبي الزبدة مع السمن ودهني بين الطبقات
* بعدما تلمي العجينة وخليتيها ترتاح حليها مليح بالحلاّل او حليها في الالة وانثري اعليها المايزينة وخليها في الرقم الاخير او ماقبل الاخير حسب كل الالة وستفي الطبقات انتاوعك ومابين كل طبقة ادهنى بالزبدة مخلطة مع السمن ديري 7 طبقات من التحت ثم ديري في الطبقة 7 الحشوة دون وضع الزبدة وستفي كامل الحشوة انتاعك ثم ضعي الطبقات انتاوعك الباقية هم 6 طبقات منبعد قطعيها مربعات او مثلث ورشقي اللوز او الكوكاو او الجوزة كيما تحبي وزيدي ادهنى من فوق بالزبدة وخليها ترتاح شوية
سخنى الفرن انتاعك على 180 درجة وديري السنوى في الوسط وخليها مدة 45 د فقط طفي اعليها من الاسفل واشعلي اعليها من الفوق قدما تحمار ومن جهة اخرى اتكوني دفيتى العسل انتاعك وصنعتى السيروعادي ماهو ثقيل ماهو خفيف في الوسط ثم خلطيهم مع بعض وسقي البقلاوة انتاعك وخليها قدما تشرب العسيلة ديريها في ليكيسات
بالتوفيق لجميع
ثانيا اسرار نجاح البقلاوة للمبتدئين:
الوصفة بزاف ساهلة ومافيهاش تعب ومافيهاش دهن بزاف كما تعودنا علي بقلاوة زمان وزيد شكلها جديد وشباب وتجي مورقة وتتقرمش وروعة جربوها وردولي بالخبر
* الحشو:
*3 كيلات مخلطة بين كاوكاو بالقشور وكاوكاو بلا قشور وحبات لوز وحبات جوز
*ملعقة فاني بودر
* اكستري ( معطر غذائئ ) لوز مر ملعقة صغيرة
*اكستري ( معطر غذائي ) لوز حلو ملعقة صغيرة
*زاست مبشور الليمون
* ملعقتين سمن ذائب
*كيلة الا ربع سكر حرش
* ماء زهر
* العجينة :
* 5كيلات فرينة( طحين ) ماشي طحين ورضا .ديرو سيم تجي هايلة
*كيلة سمن وزبدة التوريق نص سمن ونص زبدة
* نصف كيلة مايزينة (نشاء) نبسطو بيها العجينة
*ملعقة خل ابيض
* ملعقة ماء زهر ان شاء الله يكون عندكم زهر
* ملعقة فاني فانيلا
* شوية ملح
* ملعقتين سكر ڨلاص
إرسال تعليق