نحكم 5بياض بيض مع قرصة ملح نطلعهم بالباتور حتى نتحصل على كريمة نزيد نصف كاس سكر عادي على دفعات مع الخلط بالباتور نزيد نصف كاس زيت على دفعات و نزيد كاس فرينة مغربل نخلط بالملعقة غير بالشوية من التحت للفوق نفرغ الخليط في مول به ورق طهي و مدهون بالزيت نسڨمه مليح و ندخله للفرن درجة الحرارة 180* كي يطيب و يحمار نخرجه و نخليه يبرد من بعد نطبع فوقه دوائر أو مربعات و العجينة المتبقية نفتتها و ندخلها للفرن تتحمر مليح و نخرجها
الكرام شونتيي:نخلط كاس بودرة الشونتي مع كاس الا ربع حليب بارد نطلعهم مليح بالباتور حتى نتحصل على كريمة ثقيلة و مضاعفة الحجم من بعد نحكم دائرة ندير على الوجه كريمة من بعد نحط فوقها دائرة أخرى نزيد طبقة كريمة و نغلفها كامل بالكريمة نكمل الكمية كامل و نحطهم في الثلاجة يبردوا مليح من بعد نحكم فتات العجينة لحمرناهم نزين بيهم الجوانب و ندير فوق الحلوى وريدات بالكريمة شونتيي بالاستعانة بالابوش ايدوي و نعمر الوسط بسوبر كرام نعاود ندخلهم للثلاجة يبردوا مليح شهية طيبة
إرسال تعليق