تحلية باردة بالكراميل

  تحلية باردة بالكراميل سهلة التحضير لسهراتكم في رمضان ان شاءالله يدخل علينا بالصحة والستر

وصفة التحلية بالكراميل 

صلصة الكراميل : نضع كأس كبير سكر في كسرونة تكون ثقيلة نحطها على نار هادئة حتى يتكرمل السكر ويذوب ويتبدل لونو للبني نضيف 2ملاعق كبار زبدة نخلط حتى تذوب ونضيف نصف كاس كرام فراش ونبقى نخلط حتى يرجع الخليط سائل مدة 3د ونطفي. 

الكريمة : لتر حليب. 6ملاعق كبار مايزينة معمرين ملاح. 3ملاعق كبار سكر. نخلط كامل المقادير بارد في بارد نحطهم على نار ونبقى نحرك حتى يثقال الخليط نضيف ملعقة زبدة و2علب كرام ديسار فلان كراميل نخلط ونطفي. 

نأخذ صينية بها سارسو ندهنها بالزيت ونضع البنان مقطع دوائر عصرنا عليه عصرة قارص حتى ما يكحالش على كامل جوانب الصينية نضع كمية من الكريمة نزيد فوقو كمية من البسكويت مرحي خشين نوعا ما نزيد صلصة كراميل من الفوق على شكل خطوط كما هو موضح في الشكل نزيد طبقة من الكريمة والبسكويت وصلصة الكراميل حتى نكمل واخر طبقة بنان دوائر نغطي كامل السطح بالبنات نزينوه بالمكسرات وصلصة الكراميل ندخلوه يبرد للثلاجة على الاقل 4ساعات . 

                                            🌸شهية طيبة🌸