Coca ou Pizza couvert
العجينة المورقة: في غيسبيو نحط 350غ فرينة(2كيسان و نصف).ملح نخلط مليح و نزيد 2ملاعق ك زيت.كاس الا اصبع ماء بارد نلم عجينة مليح و نحطها في بابي فيلم و ندخلها للثلاجة ترتاح مدة نصف ساعة
نأخذ 250غ مرغرين التوريق نحطها بين ورقين طهي و نطريها بالحلال و نحلها بشكل مستطيل نجيب العجينة و نحلها ضعف حجم المرغرين و نحط المرغرين على جهة و نغلق بالجهة الأخرى نغلق الأطراف مليح و نحلها بالحلال نطويها على 2 و نحل نكرر العملية 2 مرات و في كل مرة ندخلها ترتاح في الثلاجة.نقسم العجينة على 2 نحل الجزء الاول قيس الصينية نسڨمها مليح و نثقبها بالفرشيطة نحط صوص طوماط و جبن طري جبن مبشور (الحشو حسب الذوق) و نحل الجزء الثاني نحطه فوق الحشو و نغلق الأطراف مليح نتراسي بالسكين حبات الكوكا و ندهن بأصفر البيض مع ملعقة صغيرة خل نزين بحبات الزيتون الاسود و ندخلها للفرن درجة الحرارة 250* كي نشوفها تنفخت نقس النار و نخليها طيب حتى تأخذ اللون الذهبي شهية طيبة
إرسال تعليق