-إذا أردت شراء مسكن عى الطريقة التي يسمونه إسلامية ، في الجدول التالي أسعار السكنات .
حيث أن البنك يشتري السكن من عند البائع ثم يقسطه لك ، على أن تدفع قسط أولى من 10 إلى 20 بالمئة .
أما بالنسبة لسعر السكن تحدده البنوك بالنظر إلى الملبغ المتبقى وليس سعر السكن .
فكلما زاد مساهمة البنك زاد سعر السكن .
ولا تنتقل الملكية الا بعد سداد كل الاقساط .سعر سكن 500 مليون البنك يبيعه لك ب 846 مليون .
سكن سعره مليار البنك يبيعه لك ب مليار وستمئة و 93 مليون .
فمعاملاته غير مرتبطة بسعر السكن بل بالملبغ الذي يمول به وعدد سنوات التسديد يأخذ سبعة بالمئة عن كل سنة من الملبغ الذي يمول به ،كل طالت مدة التسديد زاد السعر .
●ردا على إستفساراتكم في التعليقات و إن شاء الله تلقاو الاجابة دائما دعواتكم لنا
●الشراء عن طريق مرقي عقاري ماعندوش الحق إعانة الصندوق الوطني للسكن 70 مليون + منحة معادلة الخدمات الاجتماعية 50 مليون و هذي مؤكدة 100% حاليا
●بالنسبة لشهادة الحجز إذا تجاوزت 40 يوم و الملف مزال قيد الدراسة عادي البنك راح يتصل بالمرقي باش يجدد شهادة الحجز في حالتي جددتها مرتين
●الحد الادنى لقرض سكن هو 40 الف دينار أي تكون تخلص 4 ملاين و لازم تكون مرسم و مسوري لانو البنك في دراسة الملف يدرسو بدقة
●البنك المناسب في/ السن /المساهمة تصل 100% /الاجراءات/ ضمان حقك من المرقيين العقاريين هي كناب بنك مايسمى الصندوق الوطني للتوفير و الاحتياط
● سكن مليار و 200 / مع راتب الزوج و الزوجة 10 مليون في كناب بنك راح يكون تمويل 100% إن شاء الله
●بالنسبة للتأمين نشرحو تأمين على الوفاة و العجز راح تدفع دفعة أولى على حسب سعر السكن بعدها في القسط الشهري كاين تأمين
●مثال أنا ندفع مليون و 600 الف فيها الرئيسي حوالي مليون و 200 يسموها capital + تأمين حوالي 280 الف + نسبة فائدة خاوتي
●ثلاثة أشهر ما تدفعش مستحقات الشهرية راح تجيك غرامة و فائدتها 100% مكتوبة في العقد
●صيغة vsp هي إختصار للبيع على التصاميم يعني لما تروح للمرقي تلقاه مزال ما بداش تشوف غير التصميم على هذيك لازم تخير المرقي الموثوق يعني يشري الارض من مساهماتكم و البناء من مساهماتكم او مساهم البنك الي درتو معاه و كل ما تتقدم الاشغال تروح تسنييلو شاك في البنك يرفد دراهمو المرقي على خمسة أقساط
●العسكري مقبولين العاملين active و المتعاقدين لالا contractial
●باش دير قرض لازم اكون تخلص 4 ملاين و على حساب سعر السكن مثلا إذا تخلص 4 ملاين و سعر السكن مليار هنا راح تكون مساهمتك في الاول بزاف
●أحسن حاجة أنك تروح للبنك و تشوف بعينك شحال تقدر تعطيك البنك
●بالنسبة لشحال تدفع في الشهر هي عندهم قانون ما يقدش يديباسي 1/3 من شهريك يعني شهريتك أقسمها على ثلاثة تلقى شحال تدفع بالتقريب
أسأل الله العلي القدير أن يفتح الخير على كل مكروب
إرسال تعليق