المقادير:
مربى المندرين:
كيلو مندرين
عصير ليمونة
كاس عصير المندرين 150مل
750غ سكر
قشور2 مندرين ( برتقال )
🍋مربى الليمون :
600غ ليمون
750مل ماء
750غ سكر
كاس ماء
مربى الرمان:
كيلو الرمان ( بدون قشرة)
300غ سكر
كاس ماء
عصير ليمونة
ا الطريقة
مربى المندرين: نقشر المندرين ونزولو الخيوط البيضاء باش ميعطيوناش المرورة نحتفظ بقشور 2 حبات مندرين نقطعهم قطع صغيرة ونوضعهم مع المندرين في طنجرة نضيف ليهم السكر وعصير الليمون ونبقا كل شوية نحركهم مليح حتى يذوب السكر تماما من الأحسن نتركوه ليلة كاملة من بعد نوضعوه فوق النار قليلة ونبقاو نحيدو الرغوة البيضاء (الرغوة البيضاء)فينما تطلع نقلعها حتى يطيب المربى تقريبا ك ، ياخد مابين 35حتى 45دقيقة ممكن نتركوه طريفات أولا نطحنوه ونوضعوه في قارورات يكونو معقمين
مربى الرمان: ناخد كيلو الرمان يكون منقي نضيف ليه الماء والسكر ونبقا نحرك مزيان نتركو ليلة كاملة اولا من الصباح حتى العشية نوضعو فوق النار قليله ونوضع معاه عصير ليمونة ونبقا نحيدلو ديك الرغوة اللي تطلع ونتركو فوق النار حتى يطيب كناخد حبة نضغط عليها بإيدي إلا تمرست بسهولة راه طاب تقريبا 20دقيقة ونزولو من فوق النار وكنطحنو في طحانة مطيشة(الطحانة اليدوية) ونعاود نردو الطنجرة فوق النار حتى يثقال شوية تقريبا 10دقائق ونوضعو في قريعات معقمين
مربى الليمون : ناخد الليمون نوضعو في طنجرة الضغط مع الماء ونوضعو فوق النار 15دقيقة من بعد ماتصفر الصفارة نتركو شوية حتى يبرد نقطعو قطع صغيرة ونزولو البذور نضيف ليه الماء اللي طاب فيه ونطحنو بطحانة مطيشة أولا الطحانة اليدوية و نوضعو في الطنجرة ونضيف ليه السكر وكاس الماء عادي ونوضعها فوق النار تقريبا 15حتى 20دقيقة ونزولها الكشكوشة البيضاء من بعد نصفيو النصف بالصفاية والنصف الآخر نتركوه هكاك ممكن متصفيوش أو تصفيوه كولو غير باش مايجيناش مر ونقدموه بالصحة والراحة
إرسال تعليق