وصفة اليوم بيراميد الشوفلور محشيين ، الوصفة مع الصور
بيراميد الشوفلور محشيين
في قدر نضع زيت. ملعقة كبيرة زبدة. ملح حبة بصل مسكرفجة. طراف دجاج. ملح. فلفل ابيض نقلي مليح البصل والدجاج بعدها نضيف حبة طماطم مسكرفجة مع ملعقة كبيرة طماطم مصبرة. سنينات ثوم مسكرفجين. سكنجبير. كركم. توابل دجاج. ملح معدنوس ونكمل نقلي بعدها نمرق قيس مايطيب الدجاج نضيف كمية من الحمص ونخليه يطيب حتى ينشف المرق ويطيب الدجاج.
ناخذ راس شوفلور نقطعوه ونحطوه في ماء .ملعقة كبيرة خل. من بعد نصفيه ونفوروه بالملح.
كي يفور نهرسوه نضيف ملح. فلفل ابيض. كركم. ثوم بودرة. عكري. لحم مفروم. معدنوس ونخلط جميع المكونات نزيد 4ملاعق كبار خبز يابس مرحي. فرماج شيدار رابي نشكل كويرات نحشيهم بالفرماج ونشكلهم على شكل بيراميد نرمدهم في خبز يابس مرحي و نحطهم في الثلاجة مدة ساعة.
بعدها نقليهم حتى يحمارو وياخذو اللون الذهبي.
ناخذ مول خاص بالڨراتان نحط قليل من صلصة لي طاب فيها الدجاج نفرش فوقهم حبات الشوفلور المقليين نزيد نرابي فوقهم فرماج رابي ندخلهم للفرن حتى يذوب الفرماج ونقدمهم مع الدجاج.
إرسال تعليق