وصفة البابا بالبرتقال بالصور

البابا بالبرتقال

الشاربات : ناخذ كسرونة نضع فيها كاس سكر. كاس عصير البرتقال. 2كيسان ماء نحطهم فوق النار بعد الغليان 3د ونطفي نخليها على جهة تبرد.

العجينة: في صحن نضع نصف كاس حليب. ملعقة صغيرة سكر. نصف ملعقة كبيرة خميرة الخبز. نخليهم حتى يتفاعلو ونضيف كاس ونصف فرينة. ملعقة كبيرة سكر. رشة ملح. مبشور البرتقال نخلط بالباتور بعدها نزيد 2حبات بيض نواصل نخلط بالباتور بعدها نضيف 2ملاعق كبار زبدة ندخلهم مليح في العجينة بالباتور نغطيها ونخليها ترتاح حتى تتضاعف حجمها.

نفرغ العجينة في كيس حلواني ونوزع بالتساوي في لي مول خاصة بلي بابا كنا دهناهم بالزبدة ونرشهم بالفرينة نغطيهم ونخليهم حتى يختمرو ندخلهم للفرن درجة الحرارة 180° حتى يحمارو وياخذو اللون الذهبي.

كي نخرجهم نغطسهم في الشاربات تكون باردة ونزينهم بالشانتي والفريزة.