مقروط السنيوة
المقادير
500غ فرينة سلطانة
500غ سميد متوسط
500غ سمن او زبدة دايبة وباردة
2حبات بيض
مغرف كبيرة فانيليا
كيس خميرة كيميائية
شوي ماء زهر
الحشو
700غ لوز او كوكاو محمص ومرحي بقشورو ونزيد 100غ سكر عادي نخلطهم نزيد 100غ زبدة دايبة وباردة نخلطهم مليح ونرشهم بشوي ماء زهر ومايكونش معجن نتحصل عليه محبب ونخليه بجيهة
طريقة التحضير
في جفنة نحط 500غ سميد متوسط و500غ فرينة نخلطهم مليح نزيد 2حبات بيض ومغرف كبيرة فانيليا وكيس خميرة كيميائية ونخلطهم مليح نزيد 500غ زبدة او سمن دايبة وباردة ونخلطهم مليح باليد ونزيد نرشو بشوي ماء زهر مانكترش ونخلط ونتحصل على عجينة طرية وخفيفة بزاف نضمها ونقسمها على 2ونغلفها ونخليها تريح شوي تشد روحها
المرحلة اولى
ناخد صنيوة الفرن مدهونة بالزيت مليح ونحط لعجين ونمشيها على صنيوة كاملة وتكون خشينة ونسقمها مليح ونفرغ لحشو كامل ونمشيه على صنيوة كاملة ونضغظ عليه مليح باه يلصق في لعجينة ونسقمو مليح
نجيب ورق الطهي ونحل عليه عجينة تانية بالحلال حسب الصنيوة ونرفدها ونقلبها على الصنيوة فوق الحشو ونسقمها ونضغط عليها مليح باليد باه تلصق في الحشو ونسقمها ومانخليش جيهة طالعة على جيهة وناخد موس ونبداء نقطع من فوق للتحت كيما البقلاوة ونتحصل على شكل مربع ندخل صنيوة لتلاجة تشد روحها شوي ونخرجها وننقشها بالنڨاش يكون مليح ونزينها بالحبات لوز بالقشور وندخلها للفرن على درجة الحرارة 150°حتى 160° يطيب من تحت مليح على خاطر راهو خشين بزاف حتى يأخد اللون الذهبي نخرجو ونشربو مباشرة وهوا سخون بالعسيلة تكون باردة ومافيهاش ماء زهر ونخليها بجيهة تتشرب مليح وبعد نقطعو ويقدم شهية طيبة للجميع
إرسال تعليق