وصفة شرائح السكالوب مع صلصة الثومية

 شرائح سكالوب مقرمشين مع صلصة الثومية بنينة منحكيلكمش الصلصة هايلة سيوها ومتندموش 

وصفة ساهلة التحضير نترككم معالوصفة و الصور :

وصفة شرائح السكالوب كريسبي 

ناخذ كمية من السكالوب نقطعهم شرائح بالطول. نزيد حبة بيض. كاس حليب. كاس فرينة. نصف كاس زيت. ملح. فلفل اسود. كركم. نخلط مليح حتى تتجانس جميع المكونات نغطيهم بكيس بلاستيكي وندخلوه للثلاجة مدة 4ساعات.

بعدها نسخن الزيت ونقليهم بمجرد ماياخذو اللون الذهبي نحطهم في طبق التقديم ونرافقوهم بصلصة الثومية. 

وصفة صلصة الثومية :

في كاس الميكسور نحط 2 ياوورت طبيعي. 3سنينات ثوم مسكرفجين. ملح. فلفل أسود.2 فرماج قطع. مايوناز. نميكسي كلش حتى نتحصل على خليط كريمي ثقيل نحطها في الثلاجة تبرد .