وصفة الشينة بنوعيها مفيدة جدا في موسم نتاعو ، الوصفتين مع الصور :
معجون البرتقال قطع
نأخذ 1 كغ من البرتقال نحيلو القشرة ونخير لي القشرة متاعها خشينة. نغليها في لتر من الماء كي نشوف القشرة متاعها ولات طرية نصفيها نحتفظ بالماء ونخليها حتى تبرد تماما بأه نقطعها قطع.
نحكم قدرة نضع فيها 3 كيسان ماء لي غلينا فيه البرتقال وكأس ماء عادي نضيف 700 غ سكر شريحة من الليمون ونخليهم حتى يبداو يغلي ونشوف الخليط بدأ يثقال نحط فيه قطع البرتقال ونقص النار ونخليه يطيب وكي يبدأ يدير في الرغوة مرة على مرة ننزعها ونخليها حتى يبدأ يعقد الخليط ولون القطع تبدلو للأغمق نطفي نغطيه بمنشفة ونخليه حتى يبرد تماما نحتفظو بيه في علب زجاجية معقمة.
معجون البرتقال مرحي
نأخذ 500غ من البرتقال نحيلو القشرة هاذيك الخشينة ونقطعها قطع صغار ونخليها على جهة.
نحكم قدرة نضع فيها نصف لتر من الماء نضع نضيف 300غ سكر شريحة من الليمون ونخليهم حتى يبداو يغلي ونشوف الخليط بدأ يثقال نحط فيه البرتقال لي قطعناهم قطع صغار ونقص النار ونخليه يطيب وكي يبدأ يدير في الرغوة مرة على مرة ننزعها ونخليها كي يبدا يعقد نحيه من على النار نخليه يبرد ونميكسيه ونرجعوه على النار ونبقاو نخلطو حتى ينشف تماما من الماء ونتحصل على معجون البرتقال المرحي ثقيل نخليه حتى يبرد تماما نحتفظو بيه في علب زجاجية معقمة.
نترككم مع الصور :
إرسال تعليق