عجينة القريتلية

سميد رطب

ملح ونلم بالماء

نعجنها مليح نخليها ترتاح ونعاود ندلكها كيما المطلوع حتي نتحصل على عجينة بيضاء وملساء .

نشكلها حربوش صغير نرقــقها مليح ونقطع نحطها في سّــيًار حتي تنشف ثم نحطها في قماش كيما الطعام تنشف ونخبيها .

المرق : نحط 2 م ك سمن + م ك مارغرين + لحم و دجاج نقليهم + 3 حبات بصل مسكرفجه + ملح و فلفل اسود و عود قرفة مع رشة قرفة ونمرق بالماء الساخن مع حميصة .

_ لحم مرحي + 2 م ك بصل مسكرفجه + رشة ملح و فلفل ابيض نعجنه مليح + القليل من البيض ( حبة بيض نخلطها مليح ونضيف بالشوية ) نعجنه مليح

نغلف بيه البيض مغلي مليح ثم نقّليه فالزيت ونرميه فالمرق يكمل يطيب .

_ كي يطيب اللحم نحيه مع الدجاج وكويرات اللحم والمرق نصفيها .

_ القــريتلية : ندهنها بالزيت ونحلها باليد ونحطها تفور 15 لكل تفويرة

_ ثم نرشها بالماء ( نصف كأس ) نخليها تتشرب ونرجعها تفور

15د

كي تفور نسقيها بالمرق شوية + م ك زبدة ونحلها باليد . ونعاود نحطها تفور .

_ في طنجرة نحط 2 م ك زبدة ونحط القريتلية + المرق نخليها تتجــمر مليح علي نار هادئة

_ إدا لقيتها مزال مطبتش نضيف لها المرق .

شهية طيبة و بصحتكم .