_ تبلي دقيق السمك بملح وفلفل وكمون وشطة ونشا وبيكنج بودر وقبل القلي غطسيه في ميه بسرعه
_ العيش الفينو قبل ماتعمليه سندوتشات شيلي القلب واقطعي الحروف وحمصيهم واطحنيهم ضيفي عليهم توم بودر وبصل بودر وبابريكا وملح وفلفل ونشا وبيكنج بودر
للبانيه والفراخ المقرمشة
_ الباذنجان المخلل ضيفي نعناع ناشف مع التوم
_ البشاميل ضيفي جبنه مثلثات او كريمي وقشطة وجبن رومي مبشورة ولو متاح قشطه للوش والبشاميل وهتدعيلي
وعلي الوش موتزريلا
_ الملوخيه ملعقة سكر بيدي طعم
_ ملعقة سكر في صلصة المكرونة
_ قشر الليمون في زيت قلي السمك
_ الشاورما اللحمة ضيفي لها قطعة ليه
_ البطاطس قبل ماتحمريها اسلقيها عشر دقائق في ميه وملح بتقرمش ومش بتشرب زيت
_ قشر الليمون مش ترميه خليه عالحوض بعد ماتغسلي المواعين ادعكي بيه ايديك بيشيل السمار من صابون المواعين وبينعم الايد وحطي منه ف الصابون بردو
_ محشي الكرنب سخني حته زبدة وقشطة وحطيه عليه قبل ما يستوي
_ ملعقة خل في الكيك
_ عسل في تتبيلة الفراخ المشوية
_ زبادي في تتبيلة البانيه بخليه طري من جوا وليه طعم
_ البتنجان المحمر خلليله وهو سخن واقفلي عليه العلبه
_ ملعقة بيكنج بودر في شوربة اللي هتسقي بيها الرقاق باللحمه هيبقي مقرمش ومورق
_ البطاطا المشوية واعمليها في الكيس الحراري رشي عليها سكر وتدخليها الفرن
_ ادعكي الفراخ ببصلة وملح وفلفل قبل السلق
_ لما تشربي القهوة مترميش التفل ده سكرب هائل لبشرتك
_ اكياس الشاي مترميهاش سقعيها وحطيها علي عينك للاجهاد الصبح وبليل
_ الرز باللبن ضيفي كيس كريم شانتيه ولو متاح قشطه
_ والبسبوسة لازم عسل ابيض او عسل تقيل في العجن
_ رشي دقيق علي بصل الكشري قبل التحمير
_ سفن اب او ميرندا الكيك
_ رشة زعتر علي صلصة المكرونة
_ بيكنج بودر علي عجينة الكفته المشوية
_لفي الليمون في ورق جرائد او استرتش هيفضل زي ماهو
_ شوحي اللحم في الزبده وحبهان وورق لورا قبل السلق
_ الرز الابيض شوحي مستكة وحبهان في السمن قبل الرز
_لاحلي صلصة مكرونة اضربي مع الطماطم توم وفلفل رومي وفلفل حامي
_ إدهني الفراخ والبط بكاتشب وملح وفلفل وقرفة قبل الفرن
_الحمام المحشي ٤٥ دقيقة بعد غلي الميه
الممبار ٣٠ دقيقة
الفراخ المحشية ساعة وربع
_ الكيس الحراري لتسوية الفراخ والبط
_ حشو الجلاش موتزريلا مع العصاج هيدي طعم
_ الرز البسمتي اكشفي الغطا بعد ما يستوي
_ للحفاظ علي لون الليمون مع السلق حطي ملعقة بيكنج بودر
_ منديل بطن من عند الجزار تحت المحشي
_ وانتي بتقلي البانيه حطي ملعقة زبدة مع الزيت هيبقي زي المطاعم ......
إرسال تعليق